APL. «Byornli» - «Arsenal» o'yini 1,5 soatdan keyin boshlanadi (prevyu)

Bir necha daqiqalardan keyin «Arsenal» safarda «Byornli» mehmoni bo'ladi.

«Byornli» bosh murabbiyi Shon Daych payshanba kuni klub bilan shartnomasini 4 yilga uzaytirdi. U jamoa boshqaruvini 2012 yilning oktyabr oyida qo'liga olgandi.

Bilasizmi?

«Arsenal» hujumchisi Per-Emerik Obameyang APL doirasida «Byornli»ga qarshi 7 uchrashuvda 8 gol urishga erishgan. Gabonlik faqatgina «Gamburg» klubiga bunda ko'proq gol (9) urgan.

«Arsenal»ga qarshi ketma-ket 10 mag'lubiyatdan keyin «Byornli» londonliklarga qarshi oxirgi 3 o'yinda mag'lub bo'lmay kelmoqda (1 g'alaba, 2 durang).

«Arsenal» Premer-Liga doirasidagi «Byornli» uyiga qilgan so'nggi 9 tashrifida mag'lubiyatsiz jamoaga aylandi (4 g'alaba, 5 durang), oxirgi mag'lubiyat 1973 yilning dekabr oyida qayd etilgandi.

«Byornli» APLning so'nggi 12 uy o'yinida g'alaba qozona olmayapti. Bu klub tarixidagi eng uzun g'alabasiz seriya hisoblanadi.

Bahs rasmiylari

Bosh hakam: Entoni Teylor

Qanot hakamlari: Geri Besvik, Adam Nunn

Zaxira hakami: Jon Bruks

VAR: Li Meyson

VAR yordamchisi: Metyu Uilks

Taxminiy tarkiblar

Byornli - Poup, Louton, Tarkovski, Mi, Teylor, Gudmunsson, Vestvud, Braunhill, MakNil, Vud, Barns

Arsenal - Remzdeyl, Tomiyasu, Uayt, Magalyaesh, Tirni, Lokonga, Parti, Pepe, Edegor, Saka, Obameyang

Yo'qotishlar

«Byornli» safida Konnor Roberts, Kevin Long, Deyl Stefensda jarohat mavjud. Natan Kollinsning maydonga tushishi esa so'roq ostida.

«Arsenal» safida Muhammad Elneni jiddiy jarohat olgan. Rob Xolding esa harakat qilishi mavhumligicha qolmoqda. Granit Jaka esa diskvalifikatsiya qilingan.

Raqamlar

«Byornli» barcha musobqalarda «Arsenal»ga qarshi oxirgi 9 uy uchrashuvining sakkiztasida 2,5 tadan kamroq gol kiritilgan.

Mezbonlar APL doirasidagi so'nggi 7 bahsning oltitasida mag'lub bo'lishgan.

«Arsenal» barcha musobaqalarda «Byornli» bilan o'yinning 16tasidan 15tasida mag'lub bo'lmagan.

Tomonlar shu paytga qadar APLda 14 marta to'qnash kelishgan. Londonliklar 10 uchrashuvda g'alaba qozonishgan va faqat bir marta yutqazib qo'yishgan. 3 bellashuvda g'olib aniqlanmagan.

Eslatib o'tamiz, APLning 5-turidan o'rin olgan «Byornli» - «Arsenal» o'yini Toshkent vaqti bilan bugun 19:00da boshlanishi rejalashtirilgan.