Frantsiya chempionatida aktsiya: urilgan har bir gol uchun shifokorlarga pul beriladi

Frantsiya Professional futbol ligasi ushbu haftadagi o'yinlar orqali tibbiyot xodimlarini qo'llab-quvvatlash aktsiyasini o'tkazishga qaror qildi. Bu haqda liga rasmiy sayti xabar tarqatdi.

Liga-1ning 6-turida va Liga-2ning 8-tur bahslarida urilgan har bir gol uchun Frantsiya futbol federatsiyasi hisob-raqamiga 500 evro o'tkaziladi. Ushbu mablag' esa koronavirusga qarshi kurashayotgan tibbiyot sohasi vakillariga beriladi.

Bundan tashqari, shifokorlarga hurmat ramzi sifatida klublarning barcha ijtimoiy tarmoqlardagi logotiplari oq rangli emblemaga almashtiriladi.