«Yuventus» Vlahovich va Ikardi orqali Ronalduning o'rnini to'ldirmoqchi

Calciomercato nashri xabariga ko'ra, «Yuventus» rahbariyati kelasi mavsum uchun transfer maqsadlari to'g'risida qaror qabul qilgan. Manbaga ko'ra, «keksa sinora»ning asosiy maqsadi Paulo Dibalani o'z safida saqlab qolishdir. Shuningdek, turinliklar birdaniga ikkita hujumchi bilan shartnoma imzolamoqchi - «Pari Sen-Jermen» a'zosi Mauro Ikardi va «Fiorentina» etakchisi Dushan Vlahovich.

Garchi Italiya va Ispaniyaning bir qator klublari serbiyalikni nishonga olgan bo'lsa ham, «Yuventus» uchun Vlahovichni sotib olish eng ustuvor vazifadir. Shuningdek, Parij klubi Messi bilan shartnoma imzolagach, Mauroning ham asosiy tarkibdagi o'yini so'roq ostida bo'lib qolgan. Shu sabab, Turin klubi argentinalikni ham jamoaga taklif qilishni mo'ljallamoqda.

Joriy 2021/2022 yilgi mavsumda Vlahovich Italiya A Seriyasida 4ta o'yin o'tkazdi va 5ta gol urdi. Mauro Ikardi Frantsiya chempionatida 6ta o'yinda 2ta gol urgan.