Tuxel «Chelsi» Keyn vakillari bilan muloqot qilganini tasdiqladi

«Chelsi» bosh murabbiyi Tomas Tuxel yozgi transferlar vaqtida klub «Tottenxem» hujumchisi Xarri Keyn bilan muzokara o'tkazganini tasdiqladi.

«Bizda hech qachon uning ismi yozilgan ro'yxat bo'lmagan va men hech qachon Marina Granovskayaga uni sotib olish so'rovi bilan bormaganman. Lekin klub vaziyatga qarab harakat qildi.

O'yinchilar atrofida juda ko'p odamlar bor - agentlar, maslahatchilar va boshqa odamlar, va biz bu odamlardan ba'zi ma'lumotlarni oldik. Ammo hech qachon kelishuv bo'yicha hech qanday muhim narsa bo'lmagan », dedi Tuxel.