Marat Bikmaev: «Muxlislar ko'p bo'lsa yanada yaxshi o'ynaymiz»

Osiyo chempionlar ligasi guruh bosqichi 2-turidan o'rin olgan “Paxtakor” – “Al-Ahli”  uchrashuvi mezbonlarning g'alabasi bilan tugadi.

O'yindan so'ng “sherlar” hujumchisi Marat Bikmaev fikrlarini bildirib o'tdi.

“Bugun kuchli jamoaga qarshi o'ynadik. G'alaba qozonib, biz ham kuchli ekanimizni ko'rsatdik. Bizni oldinga chorlab turgan ishqibozlarga rahmat aytaman.

Ular ko'proq bo'lsa, yanada yaxshi o'ynaymiz. Hujumda birgina men o'ynamayapman. Cheran bilan o'rin almashtirib, o'rnimizni to'ldirib o'ynamoqdamiz. Ba'zan u mening o'rnimga o'tib harakat qilmoqda”, - deydi Bikmaev.