Grilish ushbu natijani qayd etgan Ueyn Runidan keyingi ikkinchi futbolchi

«Manchester Siti»ning 26 yoshli ingliz yarimhimoyachisi Jek Grilish Chempionlar ligasi guruh bosqichi 1-turida Germaniyaning «Leyptsig» klubiga qarshi uchrashuvida (6:3) o'ziga xos natija qayd etdi.

Opta Joe nashrining ma'lum qilishicha, Jek Grilish 2004 yil sentyabr oyida qayd etilgan «Manchester Yunayted» sobiq futbolchisi Ueyn Runi ortidan Chempionlar Ligasidagi debyutida gol urgan va assistentlik qilgan ikkinchi futbolchiga aylandi.

Eslatib o'tamiz, Grilish yozda «Aston Villa»dan 117,5 million evro evaziga «Manchester Siti» futbolchisiga aylandi. Shaharliklar» tarkibida u allaqachon 6 ta o'yinda maydonga tushib, 2 ta gol va 2 ta golli uzatmani amalga oshirgan.