«Genk» yarimhimoyachisi: «Mening orzum «Tottenxem»da o'ynash»

«Genk» yarimhimoyachisi Kristian Torstvedt faoliyatini Londonning «Tottenxem» klubida davom ettirmoqchi. 22 yoshli norvegiyalikning otasi, darvozabon Erik Torstvedt 1989 yildan 1996 yilgacha 7 yil davomida «shporlar» sharafini himoya qilgan va ingliz klubining afsonalaridan biriga aylangan.

Futbolchining Dagsavisen nashriga bergan intervyusida Kristian otasining izidan borishni va ingliz klubiga qo'shilishni orzu qilishini tan oldi.

«Mening orzum «Tottenxem»da o'ynash. Hozir men Belgiyada baxtliman. Menda o'zimni isbotlashim kerak bo'lgan ko'plab o'yinlar bor va men o'zimni milliy va Evropa turnirlarida ko'rsatish imkoniyatini orziqib kutaman», - deydi futbolchi.

Eslatib o'tamiz, Torstvedt 2020 yilning yanvaridan «Genk»da o'ynaydi va shu vaqt mobaynida u Belgiya chempionatida 43 ta o'yinda maydonga tushib, 9 ta gol urdi va 4 ta golli uzatmani amalga oshirdi.