«Dinamo Kiev» - «Benfika» o'yinida hakam qovun tushirdi

Evropa chempionlar ligasi guruh bosqichining 1-turi doirasida bo'lib o'tgan Kievning «Dinamo» klubi va «Benfika» o'rtasidagi o'yinda hakam kulgili vaziyatga tushib qoldi.

Entoni Teylor bahsning 82-daqiqasida mezbonlar futbolchisi Denis Garmashga ogohlantirish berib, ketidan darhol "qizil"ni ko'rsatdi.

Uchrashuvning boshqa rasmiylari mazkur "sariq" ukrainalik futbolchi uchun birinchisi ekanini aytishganidan keyin Teylor o'yinchini maydondan chetlatish haqidagi qarorini bekor qildi va Garmash o'yinni davom ettirdi.