Kuman: «Jamoalar saviyasi o'rtasida farq mavjud»

«Barselona» bosh murabbiyi Ronald Kuman Evropa chempionlar ligasi 1-turi doirasida bo'lib o'tgan «Bavariya»ga qarshi o'yin (0:3) borasida o'z fikrini bildirib o'tdi.

«Taktik nuqtai nazardan o'yinni biz nazorat qilgan lahzalar bo'ldi. Futbolchilarning o'yinga bo'lgan munosabatiga e'tiroz bildira olmayman. Ammo jamoalar saviyasi o'rtasida farq mavjud. Raqib jamoa anchadan buyon shunday tarkib bilan o'ynab keladi. Bundan tashqari, ularning zaxira o'rindig'i ancha kuchli.

Bizda esa yosh o'yinchilar ko'p. Ular 2-3 yil davomida kuchli o'yinchiga aylanishadi. Ushbu mag'lubiyatni qabul qilish qiyin, ammo vaziyat yaxshilanguncha, jarohatlanganlar safga qaytguncha sabr qilishimiz kerak», — dedi Kuman.