Sarri ikki o'yinga diskvalifikatsiya qilindi

"Latsio" bosh murabbiyi Mauritsio Sarri diskvalifikatsiya tufayli jamoasining A Seriyaning navbatdagi ikkita o'yinini o'tkazib yuborishga majbur bo'ladi.

«Burgutlar» ning 62 yoshli murabbiyi yaqinda «Milan» ga qarshi o'yinda (0: 2) maydondan chetlatilishining oqibatlari ma'lum bo'ldi. Football Italia xabar berishicha, Mauritsio Sarri «rossoneri» futbolchisi Aleksis Salemakersni haqorat qilgani va uni texnik maydondan chetlatgan hakam bilan bahslashgani uchun Italiya chempionatida jamoasining ikkita o'yinini o'tkazib yuborishi kerak bo'ladi.

Shu tariqa, «Latsio» «Kalyari» va «Torino» ga qarshi murabbiysiz o'ynaydi.