"Chelsi" futbolchilarining ikkitasi jarohati sabab EChLning dastlabki turida maydonga tushmaydigan bo'ldi

"Chelsi"ning ikki futbolchisi jarohati sabab EChL doirasidan o'rin olgan "Zenit"ga qarshi bahsni o'tkazib yuboradi. Bu haqda jamoa ustozi Tomas Tuxel o'yinoldi matbuot anjumanida ma'lum qildi.

Uning so'zlariga ko'ra, Kristian Pulishich hamda Ngolo Kantelar jarohati sabab o'yin qaydnomasiga kiritilmaydi.

"Pulishichning jarohati ancha avval ma'lum edi, xalqaro tanaffus paytida uning tuzalib ketishi kutilayotgan edi, ammo bunday bo'lmadi. Kante esa jamoa bilan mashg'ulotlarda qatnashdi, biroq u ham tavakkal qila olmaydi", — deydi germaniyalik mutaxassis.

Avvalroq Tuxel Ben Chilvell haqida fikr bildirgan edi.

Manba: futaa.com