Garri Nevill: "Ronaldu Messidan ko'ra mukammal futbolchi"

Bir vaqtlar "Manchester Yunayted"da Krishtianu Ronaldu bilan bir jamoada o'ynagan Garri Nevill portugaliyalik futbolchini Lionel Messidan ustun deb atadi.

Sobiq futbolchi Sky Sports nashriga bergan intervyusida Ronalduni Messidan ko'ra mukammal futbolchi deb hisoblashining sabablarini aytdi.
Nevillning ta'kidlashicha, birinchidan, Krishtianu bosh, zarba va penalti kabi komponentlarda ancha kuchli. Ikkinchidan, u Portugaliya terma jamoasi va klubi safida ko'p gol urgan va ushbu gollar orqali o'zi o'ynagan jamoalarni argentinalikidan ko'ra yuqori darajaga ko'targanini ta'kidladi.


"Shubhasiz, Leo ham aql bovar qilmas, lekin Ronaldu - barcha davrlarning eng zo'r o'yinchisi", - deb qo'shimcha qiladi Nevill.