Nigora Abidova OChL-2021 bahsida ishlaydi

13—14 sentyabr kunlari qit'amizning klublar miqiyosidagi eng nufuzli musobaqasi — Osiyo Chempionlar ligasida 1/8 final uchrashuvlari o'tkaziladi. 

Mazkur bosqichdan o'rin olgan Tojikistonning "Istiqlol" hamda Eronning "Persepolis" jamoalari o'rtasidagi o'yinda O'zPFL Matbuot va ijtimoiy tarmoqlar bilan ishlash bo'limi boshlig'i Nigora Abidova tashkiliy va tijoriy jihatlariga mas'ul OFK delegatsiyasi tarkibiga kiritildi. 

Hamyurtimiz musobaqa doirasidan o'rin olgan uchrashuvlar va boshqa masalalarning yaxshi saviyada tashkil etilishi, xususan, marketing, tijoriy tadbirlar OFK talablariga muvofiq o'tishi bo'yicha ish olib boradi. 

Ta'kidlab o'tamiz, OChL-2021 1/8 finalidan o'rin olgan "Istiqlol" — "Persepolis" bahsi 14 sentyabr kuni Dushanbedagi "Respublika Markaziy stadioni"da bo'lib o'tadi.