Alonso: "O'ylaymanki, Lukaku APL to'purari bo'ladi"

"Chelsi" himoyachisi Markos Alonso jamoadoshi Romelu Lukakuning 2021/2022 yilgi
mavsumda APL to'purari bo'lish imkoniyatini yuqori baholadi. Premer-liganing yangi mavsumida belgiyalik hujumchi 3ta o'yin o'tkazdi va 3ta gol urdi.


"Romelu nimalarga qodirligini ko'rsatdi. U juda kuchli va ko'plab gollar uradi. Albatta, Romelu bu pozitsiyadagi eng yaxshi futbolchilardan biri. Uning "Chelsi"da o'ynashi ajoyib. To'purarlik uchun kurash og'ir kechadi, lekin, albatta, uning imkoniyatlari bor.

 Agar, butun jamoa unga yordam bersa, u gollar urishda davom etadi.  Umid qilamanki, u bizga joriy mavsumda muhim yutuqlarga erishishga va iloji boricha ko'proq gol urishga yordam beradi", - deya Alonsoning so'zlarini keltiradi klub rasmiy sayti.