Mario Fernandes terma jamoadagi faoliyatini yakunladi

TsSKA o'ng qanot himoyachisi Mario Fernandes Rossiya terma jamoasida o'ynashni to'xtatishga qaror qildi.

30 yoshli futbolchi terma jamoani tark etib, klubdagi faoliyatiga e'tibor qaratadi.

Fernandes asli braziliyalik, 2016 yil iyul oyida Rossiya fuqaroligini olgan edi.

Futbolchi terma jamoadagi debyutini 2017 yilning oktyabr oyida o'tkazgan edi. U jami 33 ta o'yinda maydonga tushib, 5 ta gol va 3 ta golli uzatmani amalga oshirgan.