«Atletiko»da yana bir yo'qotish

Madridning “Atletiko” klubi himoyachisi Filipe Luis jarohat olganligi bois kelasi o'yinlarni o'tkazib yuboradi.

Madridliklarning rasmiy saytining xabar berishicha, braziliyalik futbolchi “Valdolid”ga qarshi o'yinda jarohat olib 64-daqiqada maydonni tark etdi.

Luis tibbiy ko'rikdan o'tib bo'lgandan so'ng, uning jarohatidan forig' bo'lishi uchun ikki hafta vaqt ketishi ma'lum bo'ldi.

Ma'lumot uchun, joriy mavsum Filipe Luis “matraschilar” safida 13 ta o'yinda maydonga tushib 2 ta gol urdi.