La liga prezidenti Messini Ispaniyada olib qolish mumkinligini tan oldi

Ispaniya La ligasi prezidenti Xaver Tebas Messining ketishini oldini olish mumkin edi deb hisoblaydi. U "SPORT" nashriga bergan intervyusida shunday deydi:

"Balki Messining ketishi eng alamli va achinarlisi bo'lgandir. Harxolda, men shunday deb o'ylayman. Chunki men uni tarixdagi eng yaxshi futbolchi deb bilaman. U bunday ayanchli tarzda ketishga loyiq emas edi. Bu nafaqat klub uchun, balki ligamiz uchun ham katta yo'qotish bo'ldi".

Tebasdan Messining ketishini oldini olish mumkinmidi deb so'ralganida quyidagicha javob berdi:

"Ha, albatta. Men bu borada bir narsaga aminmanki, uning ketishi faqatgina moliyaviy masalalar bilan bog'liq emas. Uning ketishi bunday bo'lmasligi kerak edi, buni oldini olish mumkin edi".

Avvaloq Messining ketishi "Barsa"ga yillik 200 million evro zarar keltirishi mumkinligi haqida xabar qilingan edi.