A seriya. «Yuventus»ning muvaffaqiyatsizligi davom etdi: «Napoli» «keksa sinora» ustidan irodali g'alabaga erishdi (videosharh)

Krishtianu Ronaldu Turinni tark etganidan keyin ham «Yuventus»ning muvaffaqiyatsizligi to'xtab qolmadi. Jamoa uchinchi turda ham g'alaba qozona olmadi. "Keksa sinora" Neapolda nafaqat g'alaba qozona olmadi, balki hisobdagi ustunlikni ham qo'ldan chiqardi.

Bahsning 10-daqiqasida "Napoli" himoyachisining xatosidan foydalangan Morata hisobni ochishga muvaffaq bo'ldi.

Spaletti shogirdlari tanaffusga qadar tezlik boraisda raqibini ortda qoldirgan bo'lsa-da, "Yuve"ning tajribali himoyachilari ishonchli harakat qila olishdi.

Ikkinchi bo'limning dastlabki daqiqalari "Napoli" uchun omadli kechdi. Insine jarima maydoni tashqarisidan "to'qqizlik" sari zarba berdi. Shchesni qaytargan to'pni Politano o'tkir burchak ostida darvozaga joylab, hisobni tenglashtirdi.

Bahs tugashiga 5 daqiqa qolganida esa mezbonlar burchak to'pini o'yinga kiritishdi. Zaxiradan maydonga tushgan Moyze Kin bosh bilan to'pni o'z darvoza tomon urib yubordi. "Yuventus" posboni to'pni bir amallab qaytardiyu, o'sha joyda turgan Kulibali bo'sh darvozani ishg'ol qildi.

«Napoli» uch o'yindan 9 ochko to'plab peshqadam bo'lib turgan bo'lsa, «Yuventus» hisobida atigi 1 ochko mavjud.

Italiya chempionati, 3-tur
Napoli – Yuventus 2:1 (0:1, 2:0)
Gollar: 0:1 – 10 Morata, 1:1 – 57 Politano, 2:1 – 85 Kulibali.
Napoli – Ospina, Di Lorentso, Manolas, Kulibali, Mariu Ruy (Malkyui, 90), Fabian Ruis, Zambo-Angissa, Elmaz (Unas, 46), Insine (Zelinski, 73), Politano (Losano, 72), Osimxen (Petanya, 90).
Yuventus – Shchensnii, De Shilo, Kellini, Bonuchchi, Pellegrini (de Ligt, 57), Rabo, Lokatelli, Makkenni (Remzi, 72), Kulusevski, Morata (Kin, 82), Bernardeski.
Ogohlantirishlar: Elmaz (31), Lokatelli (45), Losano (88).