«Zenit» Azmunni jamoada ushlab qolishi qiyin

«Zenit» hujumchisi Serdar Azmun «Milan»ga o'tishi mumkin.

Calciomercato xabariga ko'ra, futbolchining agenti Fali Ramadani «rossonerilar»ga kelgusi yozda Azmunni erkin agent sifatida sotib olishni taklif qilgan.

Azmunning o'zi ham «Zenit»dan ketishga qaror qildi, chunki klub uni o'tgan yozda Evropaga qo'yib yubormagan edi. U ushbu qarordan norozi.

Qayd etilishicha, «Milan» tez orada eronlikning nomzodini ko'rib chiqadi va transfer haqida qaror qabul qiladi.