Italiya jahon rekordini yana yangiladi

Italiya terma jamoasi JCh-2022 saralash bosqichi doirasida Litvaga qarshi maydonga tushib, yirik 5:0 hisobida g'alaba qozondi.

Roberto Manchini jamoasi mag'lubiyatsiz o'yinlar seriyasini 37taga etkazib, milliy va jahon rekordini yangiladi.

Italiya termasining avvalgi rekordi 1935-1939 yillar oralig'ida o'rnatilgan bo'lib, o'shanda Vittorio Potstso qo'lostidagi jamoasi 30ta o'yinda mag'lubiyat nimaligini bilmagan edi.

Jahon rekordi esa bungacha 2ta terma jamoaga tegishli edi. Braziliya 1993-1996 yillarda, Ispaniya esa 2007-2009 yillar davomida 35ta uchrashuvda yutqazmagan edi.

Italiya so'nggi marta 2018 yilning sentyabr oyida Millatlar ligasi doirasida Portugaliyaga imkoniyatni boy bergan edi.