Timo Verner "Chelsi"da qancha maosh olishi ma'lum

Sport Bild nashri jurnalisti Kristian Folk "Chelsi" hujumchisi Timo Vernerning yillik maoshini ma'lum qildi.

Manbaga ko'ra, 25 yoshli nemis futbolchisi London klubidan yiliga 20 million evrodan ko'proq oladi.

Verner 2020 yildan buyon "Chelsi" sharafini himoya qiladi. Bu vaqt ichida u "ko'klar" bilan Premer-ligada 37 uchrashuv o'tkazdi, 6 gol va 8 golli uzatma muallifi bo'ldi. Futbolchining londonliklar bilan shartnomasi 2025 yilning yoziga qadar tuzilgan.
Hujumchining transfer qiymati 65 million evroni tashkil qiladi.