Fakt! "Metallurg" 5 yildan beri "Paxtakor"ni mag'lub etolmagan (prevyu)

O'zbekiston Superligasidagi qisqa tanaffusdan keyin chempionat 17-turida "Metallurg" va "Paxtakor" o'zaro kuch sinashishadi.
Chempionatlar doirasida klublar 49 bor to'qnash kelishgan. "Sherlar" 41 bellashuvda zafar quchishgan, 4 o'yinda "Metallurg" g'olib chiqqan. 4 uchrashuvda jamoalar durang o'ynashgan. “Paxtakor” 130 gol urib, o'z darvozasidan 37 to'p olib chiqqan. "Metallurg"ni ayni paytda Jasur Abduraimov boshqarmoqda. Ushbu mutaxassis oxirgi bir necha yilda "sherlar" murabbiylar shtabida faoliyat yuritgandi.

Bekobod jamoasining o'zaro o'yinlardagi so'nggi g'alabasi 2016 yilgi mavsumda kuzatilib, o'z maydonida 2:0 hisobida yutuqqa erishgan. O'zaro bahslarda eng yirik g'alaba - 6:0 natijasi "Paxtakor"ga tegishli. 2003 va 2006 yillarda "Sherlar" raqibni shunday natija bilan dog'da qoldirishgan. Yirik g'alabalarimiz soni jami 16tani tashkil qiladi. Bekobodda o'tgan uchrashuvlarning 18tasida "Sherlar" g'alaba qozongan, ikki bellashuv durang bilan tugagan bo'lsa, 4ta to'qnashuvda "Metallurg" ustun kelgan. Mehmondagi o'yinlarda 53 gol urilib, 19 to'p o'tkazib yuborilgan. Safardagi oxirgi 5ta o'yinda poytaxtliklar zafar quchgan.

Bellashuvni diskvalifikatsiya tufayli o'tkazib yuboradigan futbolchilar yo'q.

"Metallurg" va "Paxtakor" o'rtasidagi uchrashuv 10 sentyabr, juma kuni "Metallurg" stadionida soat 19:00da boshlanadi.