JCh-2022 o'yinlari uchun navbatdagi "Al-Tumama" stadioni ochilish marosimi bo'lib o'tadi (foto)
/ Kiritdi: BestMaster Ko'rilgan: 170
22 oktyabr kuni Dohada 2022 yilgi jahon chempionati o'yinlari o'tkaziladigan "Al-Tumama" stadionining ochilish marosimi bo'lib o'tadi, deb xabar beradi OFK matbuot xizmati.
"Al-Tumama" JCh -2022 uchun to'liq tayyorlangan oltinchi stadion bo'ladi. Stadionning tantanali ochilishi Amirlik Kubogi-2021 finali paytida bo'lib o'tadi.
Unda Qatarning amaldagi chempionlari "Al-Sadd" va "Al-Rayyan" klublari o'ynaydi.
"Al-Tumama" 40 ming tomoshabinni sig'dira oladi va 2022 yilgi jahon chempionatining guruh bosqichi o'yinlarini, shuningdek, pley-off, chorak final o'yinlarini o'tkazadi. An'anaviy arab bosh kiyimini eslatuvchi stadion dizayni mashhur Qatar me'mori Ibrohim Jayda tomonidan ishlab chiqilgan. Arenada shu yilning noyabr-dekabr oylarida Qatarda bo'lib o'tadigan FIFA Arab Kubogi o'yinlari ham bo'lib o'tadi.
Bosh sahifaga
424