Evropaning eng qimmat klubi qaysi? Taniqli nashr bunga oydinlik kiritdi

CIES Football Observatory nashri futbol muxlislarini qiziqarli tadqiqotlar bilan xursand qilishda davom etmoqda. Bu safar mutaxassislar "kuchli beshlik" chempionatlaridan o'rin olgan klublarning hozirgi tarkibidagi xarajatlarini tahlil qilishdi.

 Reyting boshida Manchesterning ikki jamoasi - "Siti" va "Yunayted" joylashgan, ular hozirgi tarkiblari uchun bir milliard evrodan ko'proq mablag' sarflashgan. Kuchli uchlikni "PSJ" yopib qo'ydi, bu ajablanarli emas, chunki klub faqat Neymar uchun 222 mln evro sarflagan.

Qizig'i shundaki, Londonning "Arsenal" klubi kuchli 8talikka kiradi, u uch turdan so'ng Angliya Premer-ligasi oxirgi o'rindan joy olgan jamoa uchun qiziq holat. "Kanonirlar" o'zining hozirgi tarkibiga 630 million evro sarfladi.