Ronaldu jahonning eng mukammal futbolchisi va o'zi uchun eng kuchli raqib kimligini oshkor qildi

Taniqli britaniyalik jurnalist Pirs Morgan «Manchester Yunayted» hujumchisi Krishtianu Ronaldu bilan qiziqarli suhbat haqida so'z ochdi.

«Men undan so'radim: «Senga qarshi o'ynagan eng zo'r futbolchi kim? — Krishtianu qat'iyat bilan javob berdi: Messi?. Haqiqatan ham?, men so'radim, uning aytganlariga hayron bo'ldim.

Ronaldu: «U raqiblarim ichidagi eng yaxshisi. Bu kabi o'yinchilar noyob. Lekin Pirs, siz menga noto'g'ri savol beryapsiz»

Men so'radim: «Xo'sh, qay biri to'g'ri?». Krishtianu: «Siz eng yaxshi futbolchi kimligini so'rashingiz kerak edi». «Men javobni bilaman deb o'ylayman», dedim kulib. Ronaldu esa ko'z qisdi.

U o'zini eng zo'ri deb hisoblaydi. Men ham uning fikriga qo'shilaman», deb yozadi Morgan Daily Mail gazetasiga.

Eslatib o'tamiz, 36 yoshli Ronaldu faoliyati davomida 5 ta «Oltin to'p»ni yutib olgan, 34 yoshli Messi esa 6 marta shunday mukofotni qo'lga kiritgan.