Superliga. Eng ko'p tomoshabin qaysi o'yinga tashrif buyurdi?
/ Kiritdi: BestMaster Ko'rilgan: 979
Superliga 1-tur yakunlariga ko'ra, o'tkazilgan 6 ta uchrashuvda stadionlarda qancha tomoshabin kirganligi borasida PFL rasmiy qaydnomalari e'lon qilindi.
Unga ko'ra, Superliga 1-turida eng ko'p muxlis Samarqanddagi uchrashuvda yig'ildi. Yana elitaga qaytgan “Dinamo” – “Nasaf” uchrashuvida stadion muxlislar bilan liq to'ldi. PFL qaydnomasida ko'rsatilganidek o'yingohga 13 298 tomoshabin tashrif buyurgan. Bu Superliga 1-turidagi eng ko'p muxlis yig'ilgan o'yindir.
Shuningdek, Navoiy, Termiz, Jizzaxdagi o'yinlarda ham 7 mingdan ortiq tomoshabin yig'ilgan. Toshkentda o'tgan “Navbahor” – “Qo'qon-1912” va Olmaliqdagi AGMK – “Buxoro” uchrashuvlarida esa 3 mingdan ortiq tomoshabinlar to'plangan. Jami 6 ta o'yinda 43 139 tomoshabin yig'ilgan. Bu o'rtacha har uchrashuvda 7 189 tomoshabin deganidir.
Turning so'nggi o'yini “Paxtakor” – “Lokomotiv” uchrashuvi 16 mart kuniga ko'chirilgan.
Superliga. 1-TURDA ENG KO'P MUXLIS QAERDA?
1. Samarqand. Dinamo – Nasaf (1:1). 13298 tomoshabin.
2. Navoiy. Qizilqum – Andijon (1:1). 7853 tomoshabin.
3. Termiz. Surxon – Metallurg (1:1). 7815 tomoshabin.
4. Jizzax. So'g'diyona – Bunyodkor (2:1). 7780 tomoshabin.
5. Toshkent. Navbahor – Qo'qon-1912 (1:1). 3280 tomoshabin.
6. Olmaliq. AGMK – Buxoro (0:0). 3113 tomoshabin.
Bosh sahifaga
182