«MYu» va Adidas Ronaldu familiyasi tushirilgan futbolkadan qancha daromad olgani ma'lum bo'ldi

"Manchester Yunayted" klubi 45 million dollarga Krishtianu Ronaldu familiyasi tushirilgan futbolkalarni sotdi, deya xabar tarqatdi "AS" nashri.

Manbaga ko'ra, angliyaliklarga ushbu savdoning 10 foizi tegadi, qolgan summa "MYu"ning texnik hamkori hisoblangan "Adidas" kompaniyasiga tegadi.

Eslatib o'tamiz, 36 yoshli futbolchi yozgi transfer paytida "Yuventus"dan "Manchester Yunayted"ga o'tdi. Mankunianliklar Ronaldu uchun 15 million evro to'lashadi. Hujumchi "Yunayted" bilan "2+1" ko'rinishida shartnoma imzoladi.