Riberi ertaga tibbiy ko'rikdan o'tadi

Frank Riberi "Salernitana" futbolchisi bo'lishga yaqin. Sky Italia nashri xabariga ko'ra, frantsiyalik hujumkor yarimhimoyachi dushanba kuni tibbiy ko'rikdan o'tadi. Agar hammasi yaxshi bo'lsa, Riberi o'sha kuni A Seriya klubi bilan shartnoma imzolaydi.

Frank Riberi hozirda erkin agent. Uning "Fiorentina" bilan shartnomasi shu yilning iyun oyining oxirgi kunida yakuniga etdi.

 
Ma'lumot o'rnida, "Salernitana" 1998/1999 yilgi mavsumdan buyon birinchi
marta A Seriyada o'ynaydi. Dastlabki ikki turda jamoa umumiy hisobda 2:7 hisobidagi ikki marta mag'lubiyatga uchradi.