Takexiro: "Arsenal" kabi buyuk klubga o'tganimdan xursandman"

Himoyachi Takexiro Tomiyasu "Arsenal"ga o'tishi haqida fikr bildirdi.

"Men Italiyada juda ko'p jarohatlar olganman, so'nggi ikki yil ichida mushaklarim juda ko'p zarar ko'rgan. Men eng yaxshi formada emas edim, yuz foiz o'ynay olmadim yoki o'z o'yinimdan qoniqmadim. Umid qilamanki, "Arsenal"ga o'tish menga ijobiy yo'ldan borishga yordam beradi. Men o'zimni jamoa o'zgarayotganini his qilyapman. Premer-ligada o'ynash mening maqsadim edi, men "Arsenal" kabi buyuk klubga o'tganimdan xursandman", - deya Tomiyasuning so'zlarini keltiradi Goal nashri.

Eslatib o'tamiz, Tomiyasu 31 avgust kuni 18,6 million evro evaziga "Bolonya"dan "Arsenal"ga ko'chib o'tdi.