Maunt: "Evropa chempionati finalidagi mag'lubiyatdan keyin biz yanada kuchliroq bo'ldik"

Angliya terma jamoasi yarimhimoyachisi Meyson Maunt matbuot anjumanlaridan birida terma jamoa futbolchilarining Evro-2020dan keyingi holati haqida gapirdi.

«Chelsi» futbolchisi yangi mavsumga tayyorgarlik ko'rish ruhiy tomonlama juda qiyin bo'lganini ta'kidladi.

Ammo inglizning so'zlariga ko'ra, futbolchilar finaldagi mag'lubiyatdan so'ng kerakli xulosani chiqarishgan.

«Evropa chempionati finalidagi mag'lubiyatdan keyin biz yanada kuchliroq bo'ldik deb ayta olaman, bir jamoa bo'lib yig'ildik. O'ylaymanki, bizning barcha yuksak yutuqlarimiz hali oldinda»,-deydi Maunt.

E'tiborlisi, Angliya Qatarda bo'lib o'tadigan Jahon chempionatiga deyarli yo'llanmani naqd qilgan, jamoa saralash bahslarining to'rtta o'yinidan barchasida g'alaba qozondi.