Tokio-2020. O'q otish. Final bosqichida Server Ibragimovdan omad yuz o'girdi

Bugun Tokio paralimpiadasida 50 metr masofaga to'pponchadan o'q otish bo'yicha final bahslari bo'lib o'tdi.

Hamyurtimiz Server Ibragimov saralash bosqichida 1-o'rin bilan final bosqichiga chiqqandi. Ammo hal qiluvchi pallada hamyurtimizdan omad yuz o'girdi. U 10ta urinishda bor-yo'g'i 82,5 ball to'pladi. Vaholanki, u saralash bosqichida 90 balldan kam ochko jamg'armayotgan edi. Shu tariqa, vatandoshimiz final bosqichini birinchi bo'lib tark etdi. Natijada Server sakkizinchi pog'ona bilan kifoyalandi.

Eslatib o'tamiz, Server Ibragimov 10 metr masofaga to'pponchadan o'q otish bahslarida 177.4 ochko to'plagan holda 5-o'rinni egallagan edi.

Manba: www.stadion.uz.