Nurxon Qurbonovadan ikkinchi medal. Bu safar kumush!

Tokiodan xushxabar! Hozirgina para engil atletikaning F54 klassida ayollar o'rtasida nayza uloqtirish bo'yicha final bahslari yakunlandi.

Quvonarlisi, medallar uchun kurashda qatnashgan hamyurtimiz Nurxon Qurbonova 18.38 metr natija bilan shaxsiy rekordini yangiladi. Bu natija sportchimizga kumush medalni taqdim etdi.

Ushbu yo'nalishda nigeriyalik Flora Ugvunva 19.39 metr natija bilan chempionlikni qo'lga kiritdi. Ushbu sportchi Rio-2016 paralimpiadasida ham oltin medalga ega chiqqandi.

Shu tariqa delegatsiyamiz hisobidagi medallar soni 18 taga etdi: 7 ta oltin, 5 ta kumush va 6 ta bronza.