Tokio-2020. Kanoe. Shahnoza Mirzaeva va Hayitmurod Sherqo'ziev finalga yo'llanmani qo'lga kiritishdi

Tokio shahrida XVI yozgi Paralimpiya o'yinlari davom etmoqda. Bundan biroz avval para kanoe bo'yicha KL-3 klassida ayollar o'rtasida 200 metrga yarim final sprint poygalari bo'lib o'tdi.

Unda ishtirok etgan hamyurtimiz Shahnoza Mirzaeva 51.466 soniya vaqt bilan marraga 5-o'rinda etib keldi va final yo'llanmasini qo'lga kiritdi.

Shahnoza Mirzaeva ishtirokidagi final bahsi bugun Toshkent vaqti bilan soat 07:30 da boshlanadi.

Shuningdek, erkaklar o'rtasida para kanoe bo'yicha VL-3 klassida 200 metrga yarim final sprint poygalari bo'lib o'tdi. Unda ishtirok etgan hamyurtimiz Hayitmurod Sherqo'ziev 51.450 soniya vaqt bilan marraga 2-o'rinda etib keldi va final yo'llanmasini qo'lga kiritdi.

Hayitmurod Sherqo'ziev ishtirokidagi final bahsi bugun Toshkent vaqti bilan soat 07:56 da boshlanadi.

Manba: paralympic.uz