Azmun: "Menga "Lion", "Roma", "Bayer" va "Tottenxem"dan takliflar bo'lgan"

"Zenit" hujumchisi Serdar Azmun transfer haqidagi mish-mishlar haqida gapirdi.

"Men hech kimga biror klubga o'tayotganim haqida aytmaganman. OAV mening tibbiy ko'rikdan o'tayotganim va ba'zi jamoa bilan kelishib olganim haqida yozishdi. "Zenit" o'sha kuni "Lion" taklifini rad etdi.

Mening shartnomam bor, ketmoqchi bo'lsam ham, klub ruxsat bermaydi. Meni boshqa klublarga yuborgan aslida OAV edi.

Mening o'zim bu haqida hech narsa demadim va bu yangilikdan charchadim. Har kuni ertalab menga yangi jamoa topishadi. Iltimos, bu haqda yolg'on ma'lumotlar tarqatmang. Agar biror narsa
ro'y bersa, o'zim aytaman.

Menga "Lion", "Roma", "Bayer" va "Tottenxem"dan takliflar
bo'lgan. Barcha takliflar rad etildi, bu yil men hech qaerga ketmayman. Agar biror
joyga bormoqchi bo'lsam, erkin agent sifatida ketaman", - dedi futbolchi.


Eslatib o'tamiz, 26 yoshli futbolchining shartnomasi 2022 yilda yakuniga etadi.