Rahim Sterling o'z golini do'stining xotirasiga bag'ishladi

Kuni kecha o'tkazilgan Vengriya hamda Angliya o'rtasidagi Jahon chempionatiga saralash uchrashuvida Rahim Sterling ilk golga mualliflik qildi. U o'z golini noan'anaviy ravishda nishonladi.

Hujumchi futbolkasini echib tashladi. U kiygan ichki kiyimda esa shunday yozuvlar bor edi: "Seni abadiy yaxshi ko'raman, Steffi Gregg".

Ma'lum bo'lishicha, Steffi Sterlingning yaqin do'sti bo'lgan. U shu yili atigi 26 yoshda COVID-19 infektsiyasi sabab olamdan o'tgan. Sterling kechagi golini aynan uning xotirasiga bag'ishlagan.