Kunde "Sevilya" rahbariyatidan g'azablanmoqda

"Sevilya" himoyachisi Jyul Kunde "Chelsi"ga o'tolmay qolganidan g'azablandi, deb xabar
beradi Express nashri ispan manbalariga tayanib.

Gazetaning yozishicha, 22 yoshli frantsuz "Sevilya" uning London klubiga o'tishiga to'sqinlik qilganidan norozi. Hozirda futbolchi bosh murabbiy Xulen Lopetegi va sport direktori Monchining chaqiruvlariga e'tibor bermayapti.

Shu bilan birga, "Chelsi" Kunde uchun joy va pul topish uchun Kurt Zumani "Vest Xem"ga sotdi.

Kunde 2019 yildan buyon "Sevilya" sharafini himoya qilmoqda. O'tgan mavsumda Jyul andusiyaliklar tarkibida 34 uchrashuvida qatnashdi, ikkita gol urdi, bitta golli uzatma berdi va to'rtta sariq kartochka oldi.