Sulsher kelasi mavsum "MYu"ga kimlarni olib kelmoqchiligi ma'lum

"Manchester Yunayted" bosh murabbiyi Ole-Gunnar Sulsher kelasi yili "Vest Xem" yarimhimoyachisi Deklan Raysni sotib olishga harakat qilib ko'radi. Manchester Evening News nashri xabariga ko'ra, "qizil iblislar" rahbariyati fikriga ko'ra, Rays Nemanya Matich, yoki Fredning o'rnini egallashi mumkin.

"Manchester Yunayted" Rays bilan yozda shartnoma imzolashi mumkin edi, lekin Jeydon Sancho, Rafael Varana va Krishtianu Ronalduni xaridi sabab biroz kechikdi.

Qolaversa, "bolg'achilar" Raysning transferi uchun 100 million funt sterlingga yaqin pul olmoqchi bo'lishdi, bu esa "Yunayted"ning transfer byudjetiga to'g'ri kelmadi.

Mankunianliklar kelasi yilning yozida Raysni sotib olishga urinib ko'rishadi. Shuningdek, ingliz klubi Dortmundning "Borussiya" klubi huchjumchisi Erling Xoland bilan ham shartnoma imzolashni maqsad qilgan.