Penaltidan foydalana olmagan Ronaldu: «Xatolar ham o'yinning bir qismi»

Portugaliya terma jamoasi va «Manchester Yunayted» hujumchisi Krishtianu Ronaldu Irlandiyaga qarshi uchrashuvda (2:1) o'tkazib yuborilgan penalti haqida o'z fikrlari bilan o'rtoqlashdi.

«Xatolar ham o'yinning bir qismi, bu mashg'ulotning bir qismi. Ba'zida gol urasan, ba'zida adashasan.

Lekin men o'yin oxirigacha o'zimga ishondim. Gol urishimni his qilib turdim. Men gol urib, g'alaba qozonganimdan juda xursandman. Muhimi shu», - deydi Krishtianu.

Eslatib o'tamiz, 12-daqiqada darvozabon Gevin Bazunu Ronalduning zarbasini qaytardi. Shundan so'ng, hujumchi uchrashuvda dubl qayd etdi va terma jamoa uchun gollar bo'yicha jahon rekordini yangiladi.