JCh-2022 saralash. Portugaliya Ronalduning so'nggi daqiqalardagi gollari evaziga g'alabani ilib ketdi, Frantsiya, Niderlandiya va Xorvatiya ochko yo'qotdi

Evropa mintaqasida 1 sentyabr, chorshanba kuni JCh—2022 saralash bosqichining navbatdagi tur o'yinlari o'tkazildi.

Portugaliya terma jamoasi o'z maydonida Irlandiyani qabul qildi. Birinchi bo'lim yakunlanishi arafasida mehmonlar oldinga o'tib oldi. Bunga maydon egalari Krishtianu Ronalduning so'nggi daqiqalardagi ikkita goli bilan javob qaytardi.

Frantsiya terma jamoasi Bosniya va Gertsegovina bilan bahs yuritdi. 36-daqiqada Edin Jeko mehmonlarni hisobda oldinga olib chiqdi. Oradan ko'p o'tmay Antuan Grizmann muvozanatni tikladi. Ikkinchi bo'lim debyutida Jyul Kundening chetlatilishidan keyin frantsuzlar bir o'yinchi kam bo'lib qoldi. Qolgan vaqtda hisob o'zgarmadi.

Norvegiya va Niderlandiya terma jamoalari o'rtasidagi bahsda tomonlar murosa yo'lini tanladi. Turkiya so'nggi daqiqalarda to'p o'tkazib yubordi va Chernogoriyaga qarshi bahsda ochko yo'qotdi.

Rossiya terma jamoasi Xorvatiya qarshi maydonga tushdi. Valeriy Karpin uchun debyut bo'lgan o'yinda hisob ochilmadi. Qozog'iston va Ukraina o'rtasidagi dramatik uchrashuvda jamoalar jangovar durangga imzo chekdi.

JCh—2022 saralashi, 4-tur bahslari
1 sentyabr, chorshanba
Portugaliya — Irlandiya 2:1
Gollar: 0:1 – 45 Igan, 1:1 – 89 Ronaldu, 2:1 – 90+6 Ronaldu.
Portugaliya – Ruy Patrisiu, Joau Kanselu (Gedesh, 82), Pepe, Gerreyru (Mendesh, 62), Ruben Diash, Bernardu Silva, Brunu Fernandesh (Joau Mariu, 62), Rafa Silva (Andre Silva, 46), Palinya (Moutinyu, 73), Diogu Jota, Ronaldu.
Irlandiya – Bazunu, Doerti, Igan, Daffi, Koulmen, Hendrik, Kallen, Makgret (Molambi, 90), O`Shi (Omobamidele, 36), Ida (Kollinz, 90), Konnolli (Makkleyn, 72).
Ogohlantirishlar: Hendrik (10), O`Shi (33), Konnolli (45), Doerti (56), Ronaldu (90).

Frantsiya — Bosniya va Gertsegovina 1:1
Gollar: 0:1 – 36 Jeko, 1:1 – 39 Grizmann.
Frantsiya – Loris, Kimpembe, Kunde, Din, Varan, Lemar (Tchuameni, 46), Pogba, Veretu (Dyubua, 54), Grizmann (Koman, 76), Benzema (Marsyal, 76), Mbappe (Diabi, 90).
Bosniya va Gertsegovina – Shexich, Sushich (Sipetich, 64), Kolashinats (Chivich, 54), Sanichanin, Hajikadunich, Pyanich, Simirot (Lonchar, 72), Hajiahmetovich, Axmedhojich, Jeko, Demirovich (Prevlyak, 72).
Ogohlantirishlar: Veretu (30), Hajiahmetovich (76).
Chetlatish: Kunde (51).

Norvegiya — Niderlandiya 1:1
Gollar: 1:0 – 20 Holand, 1:1 – 36 Klassen.

Turkiya — Chernogoriya 2:2
Gollar: 1:0 – 9 O'nder, 2:0 – 30 Yaziji, 2:1 – 40 Marushich, 2:2 – 90+7 Radunovich.

Rossiya — Xorvatiya 0:0

Qozog'iston — Ukraina 2:2
Gollar: 0:1 – 2 Yaremchuk, 1:1 – 74 Valiullin, 1:2 – 90+3 Sikan, 2:2 – 90+6 Valiullin.

Latviya — Gibraltar 3:1
Gollar: 1:0 – 50, penalti Gutkovskiy, 1:1 – 71, penalti De Barr, 2:1 – 85 Gutkovskiy, 3:1 – 89 Siganik.

Lyuksemburg — Ozarbayjon 2:1
Gollar: 1:0 – 8 Pintu, 2:0 – 28, penalti Rodrigesh, 2:1 – 67 Mahmudov.

Farer — Isroil 0:4
Gollar: 0:1 – 11 Zaxavi, 0:2 – 44 Zaxavi, 0:3 – 52 Dabbur, 0:4 – 90 Zaxavi.

Moldova — Avstriya 0:1
Gol: 0:1 – 45 Baumgartner.

Daniya — Shotlandiya 2:0
Gollar: 1:0 – 14 Vass, 2:0 – 15 Mele.

Sloveniya — Slovakiya 1:1
Gollar: 0:1 – 32 Bojenik, 1:1 – 42 Stoyanovich.