Masharipov qaytdi, jarohatlangan Siddiqov o'rniga Omonov jalb etildi

Srechko Katanets boshligidagi O'zbekiston milliy jamoasining FIFA kunlari doirasidagi mashg'ulotlari davom etmoqda.

So'nggi ikki kungi mashg'ulotlarni o'tkazib yuborgan Jaloliddin Masharipov bugundan mashg'ulotlarga qaytdi. Bugun 28 yoshga kirgan «An-Nasr» klubi futbolchisi maxsus «tabrik yo'lakcha»sidan o'tkazildi.

Shuningdek, kechagi mashg'ulotlarda jarohat orttirib olgani ma'lum bo'lgan Javohir Siddiqov o'rniga «Lokomotiv» hujumchisi Azizbek Omonov yig'inga jalb etildi.

Eslatib o'tamiz, O'zbekiston milliy jamoasi 5 sentyabr sanasida Shvetsiya milliy jamoasiga qarshi o'rtoqlik o'yinida maydonga tushadi.

Manba: interfutbol.uz