«Barselona» yarimhimoyachisi «Leyptsig»ga ko'chib o'tdi

«RB Leyptsig» «Barselona» yarimhimoyachisi Ilaysh Moriba transferini e'lon qildi, deb xabar beradi nemis klubi matbuot xizmati.

Gvineya terma jamoasi bilan 2026 yilgacha shartnoma imzolandi. Transfermarkt portali xabar berishicha, futbolchining transferi buqalarga 16 million evroga tushgan.

Eslatib o'tamiz, Moriba «Barselona» tarbiyalanuvchisi hisoblanadi. U o'tgan mavsum Kataloniya klubining asosiy tarkibida debyut qilgan.

Bu vaqt ichida yarimhimoyachi 18 ta o'yinda maydonga tushib, bitta gol urdi va uchta golli uzatmani amalga oshirdi.

E'tiborlisi, «Barselona» futbolchi bilan shartnomani uzaytirmoqchi edi, lekin tomonlar o'zaro kelisha olishmadi.

Avvalroq, futbolchiga «Real» ham qiziqish bildirgani haqida xabar berilgandi.