Yaponiya terma jamoasi a'zosi «Arsenal»ga o'tishga yaqin

Londonning «Arsenal» klubi «Bolonya» bilan yaponiyalik himoyachi Takexiro Tomiyasu transferi borasida kelishib oldi.

Unga ko'ra ushbu transfer summasi 23 million evroni tashkil qilishi belgilandi. Endi Yaponiya terma jamoasi futbolchisi tibbiy ko'rikdan o'tishi kerak bo'ladi.

Shuningdek, yaqinda futbolchi va londonliklar shaxsiy shartnoma borasida muzokara o'tkazib oladilar. Avvalroq, Tomiyasuga «Tottenxem» qiziqish bildirgan edi.