Angliya terma jamoasi muhim futbolchisidan ayrildi

«Everton» klubi futbolchisi Dominik Kalvert-Lvin jarohati sabab Angliya terma jamoasi safidan tushib qoldi. Futbolchi anchadan beri sog'lig'idagi muammolar bilan kurashgan.

U «Brayton»ga qarshi bahsda son qismidan qattiq jarohat olgan edi. Shuningdek, uning oyoq barmoqlari singan.

Futbolchi endi sentyabr oyida ikkita jarohatini ham tuzatishga harakat qiladi. Kalvert Rafa Benitez jamoasining eng  muhim futbolchisi. U bu mavsumda uchala o'yinda ham gol urishga erishgan. «Everton»dan hozirda faqat Jordan Pikfordgina Angliya MTJ yig'iniga yo'l olgan.