APL klubi Braziliyadan futbolchi xarid qiladi

APL klubi «Brentford» «Gremio» himoyachisi Vandersonni nishonga olgan.

Bu haqda Britaniya matbuoti xabar beradi. Avvalroq, braziliyalik futbolchi Moskvaning «Spartak» jamoasiga o'tishi xususida ham mish mishlar tarqalgandi.

«Brentford» 20 yoshli futbolchi uchun 15 million evro to'lashga tayyor. Bitim transfer oynasi tugagunga qadar amalga oshishi mumkin.

Joriy mavsumda Braziliyada Vanderson 35 uchrashuvda maydonga tushib, 3 gol urdi va bitta golli uzatmani amalga oshirdi.