Tokio-2020. O'q otish. Server Ibragimov final yo'llanmasini qo'lga kiritdi

Bugun avgust oyining so'nggi kunida 1 nafar hamyurtimiz Tokio-2020 yozgi Paralimpiya o'yinlarida ishtirok etishi rejalashtirilgan.

Bundan biroz avval Server Ibragimov 10 metrga to'pponchadan o'q otish bo'yicha saralashda ishtirok etdi. Tajribali sportchimiz 6 ta urinishda jami 574 ochko to'plagan holda saralashda 4-o'rinni egalladi va final yo'llanmasini qo'lga kiritdi. U peshqadamlardan atigi 1 ochko ortda qolgan bo'lsa, 3-o'rindagi sportchi bilan bir xil ochko jamg'ardi.

Eslatib o'tamiz, Server Ibragimov ishtirokidagi final bahsi bugun Toshkent vaqti bilan soat 10:30 da boshlanadi. Hamyurtimizga omad tilaymiz.

Ma'lumot uchun, Server Ibragimov Rio-2016 yozgi Paralimpiya o'yinlari sovrindori hisoblanadi.