Urugvayda JCh-2022 saralashi oldidan jiddiy yo'qotishlar bor!

Urugvay terma jamoasi JCh-2022 saralash o'yinlari oldidan jiddiy yo'qotishlarga uchramoqda.

Jamoaga hujumchilar Luis Suares va Edinson Kavani yordam bera olmaydi. Bu haqda Urugvay terma jamoasining rasmiy matbuot xizmati ma'lum qildi.

Suares kecha «Vilyarreal»ga qarshi bahsda jarohat oldi. Kavaniga esa «Manchester Yunayted» xalqaro maydon uchun ruxsat bermaydi.

Ma'lumot uchun, Urugvay terma jamoasi sentyabr oyida uchta o'yin o'tkazadi - Peru, Boliviya va Ekvador terma jamoalariga qarshi.