"Biz futbol klubimiz, bank emas!" — "Borussiya D" sport direktori

"Borussiya D" klubi direktori Maykl Tsork "PSJ"ning Xoland transferiga qiziqishi haqida fikr bildirdi. Parij klubi Xolandni Mbappe o'rniga potentsial o'rinbosar sifatida ko'rmoqda.

U norvegiyalikni ushbu yozda ketmasligini aytib o'tgan: "Biz futbol klubimiz. Bank emas! Bizning o'rnimiz hammaga ayon va o'zgarmaydi. Men so'nggi ikki kun ichida ko'plab mish-mish xabarlarga guvoh bo'ldim. Transfer borasida hammasi aniq. Hech qaerga hech kim ketmaydi".

Xoland Germaniya klubi bilan 2024 yilgacha shartnoma imzolagan. Avvalroq "PSJ" Mbappe uchun 171 million funtlik taklifni rad etgani haqida xabar qilingan edi.