Tokio-2020. Boburjon Omonov O'zbekistonga beshinchi oltin medalni taqdim etdi

Tokio paralimpiadasining navbatdagi kuni O'zbekiston delegatsiyasi uchun oltin medal bilan boshlandi.

Hozirgina para engil atletikaning erkaklar o'rtasida F41 klassida yadro uloqtirish bahslari o'z nihoyasiga etdi.

Quvonarlisi, hamyurtimiz Boburjon Omonov Paralimpiya rekordini yangilagan holda oltin medalga sazovor bo'ldi. Boburjon 14.06 metr natija qayd etdi.

Ta'kidlash kerakki, bu borada jahon rekordi ham aynan Omonovga tegishli. Boburjon BAAda bo'lib o'tgan jahon chempionatida 14.31 metr natija qayd etgan holda rekord o'rnatgan edi.

Shu tariqa, delegatsiyamiz hisobidagi medallar soni 13 taga etdi: 5 ta oltin, 4 ta kumush va 4 ta bronza.

Manba: paralympic.uz