Robert Levandovskidan yana bir hayratlanarli natija

"Bavariya" klubi hujumchisi Robert Levandovski shanba kungi "Gerta"ga qarshi kechgan uchrashuvda xet-trik muallifiga aylandi. Yirik, 5-0 hisobida yakuniga etgan bahsda qolgan ikkita golni Tomas Myuller hamda Jamal Musialalar darvozaga joyladi. Ushbu gollardan so'ng polshalik futbolchi bir klubda 300 talik dovondan oshib ketdi.

Levandovski, jamoaga "Borussiya D"dan kelib qo'shilganidan buyon 333 marta maydonda harakat qilgan va 301 ta gol urishga erishgan. Shuningdek, myunxenliklar talismanida 65 ta assist muallifligi ham mavjud.