Rasman! Kurt Zuma "Vest Xem" futbolchisi

Londonning "Vest Xem" klubi "Chelsi"dan Kurt Zuma transferini e'lon qildi. Bu haqda klub rasmiy sahifasida post qoldirdi. Transfer narxi 25 million funt qiymatga ega.

Futbolchi "bolg'achilar" bilan 2025 yil yozigacha mo'ljallangan shartnomaga imzo chekkan. Zuma o'z intervyusida bu haqida shunday deydi:

"Men juda xursandman. Shunday klubga o'tganimdan faxrlandim. Men va klub bosh murabbiyi o'rtasidagi muloqot tez va ijobiy kechdi. Moyes meni o'z jamoasida ko'rishni istayotganini aytdi. Men ham mavsumni fantastik boshlagan klub va uning a'zolari bilan o'ynashni xohladim. Men jamoaga qo'limdan kelganicha yordam beraman va o'tgan yilga qaraganda yaxshiroq natijaga erishamiz deb umid qilaman".